面豉醬梅花肉片

材料準備
因為我用嘅係急凍黑豬梅花，所以要用流動水過多幾次水癖走哋凍肉味
當睇到唔再出血水之後用廚房紙抹幹肉上嘅水份，將佢分配切到瘦中有肥嘅梅花肉片，唔洗特別薄或太細片，可以保留滴口感
切完肉片之後再切小小薄薑片

豬肉醃製（3,5分鐘都夠啦）
往肉片裡面按順序加入
薑片、
料酒（可以適當多滴滴）
蠔油2克左右、生抽2克左右
鹽小小（面豉醬好重味啦，唔使放太多鹽，大概1克左右就得，給佢個底味）
代糖1克左右（醃豬肉裡面唔使太多，小心煎豬肉嘅時候焦，主要係等陣調醬要落多滴）
花生油適量，
抓勻醃幾耐都得，無要求，我覺得10分鐘都已經夠僿啦！因為最後面豉醬估計好重味會蓋過其他大部分味道

面豉醬調配：
準備只碗仔
加入5克左右面豉醬
按照面豉醬的一半多俾滴代糖來中和啲鹹味，種口味嘅可以適當加滴滴鹽花
之後加入適量嘅溫水攪拌均勻（要溫水來化開面豉醬）
再額外調一碗澱粉水備用

烹製：
鍋中加入花生油
油熱後中小火倒入豬梅花肉，然後快速炒散，唔好比啲肉癡埋一齊一䬲䬲～
把豬梅花肉片煎香到八成熟左右，表面有小小脆焦，迅速加入面豉醬汁，繼續小火炒勻，期間不斷翻炒，使每塊肉都包上面豉醬汁
隨後，等到炒至還剩有一部分醬汁時，加入澱粉水勾芡收汁，我鍾意留著適量汁撈飯食～