Name: 低糖的湯圓
Ingredients: 350克糯米粉; 250克（可以加或減）热水; 210克豬板油; 120克（可以加或減）黑芝麻; 100克（可以加或減）绵白糖; 煮湯圓嘅材料：; 4碗水; 2只雞蛋; 半片片糖; 1小扎姜絲

低糖的湯圓

0 人做过这道菜

喜欢煮野食

岩日係2021年正月十五元宵佳節，家家戶戶都會食湯圓慶元宵。
早幾日諗起過年前整油角剩底有D餡料，於是就諗起用來整湯圓，然後再買D豬板油和黑芝麻返來做餡料。
今日係人生中第一次整有餡料嘅甜湯圓，以前整果D無論係甜嘅，還是咸嘅湯圓入面都係無餡料嘅。自己郁手製作湯圓餡料十足，粉皮又薄又香又好味。祝各位廚神：元宵佳節甜甜蜜蜜，團團圓圓，一團和氣！

用料

糯米粉	350克
热水	250克（可以加或減）
豬板油	210克
黑芝麻	120克（可以加或減）
绵白糖	100克（可以加或減）
煮湯圓嘅材料：
水	4碗
雞蛋	2只
片糖	半片
姜絲	1小扎

低糖的湯圓的做法

買返來嘅豬板油洗干淨掠干水分，撕掉表面一层薄膜，然後好似斬肉餅一樣，將豬板油斬斷斬碎
黑芝麻買返來洗兩次掠干水分，用不粘鍋小火控干水分，抄到黑芝麻聞到香味，发出霹靂啪嘞嘅聲音就可以停火，放一邊攤凍之後再打磨成粉。
哩D餡料就係之前整油角剩底嘅，我用來當糖，包含有白糖，花生碎，黑芝麻和椰絲打磨成粉。
黑芝麻和糖打磨成粉一齐放入裝豬板油嘅盘里，用手將三种餡料好似和面團一樣揉搓均勻。
我大概揉搓兩、三分鐘左右，餡料基本上已經搓均勻，也見唔到豬板油，於是我用保鲜膜蓋住放入冰箱冷藏。
我係提前一日做黑芝麻餡料。第二日早上我拿出來，搓大小唔一樣嘅丸子，然後再蓋上保鲜膜放入冰箱冷凍
糯米粉加热水和粉團，加热水嘅時候一邊慢慢加入，一邊用筷子慢慢攪均勻，因為每种粉嘅吸水性唔一樣，所以要少量多次慢慢加入。忘記影相
搓好粉團，拿出黑芝麻餡料，就可以包湯圓啦！用手嘅虎口來收埋囗，輕輕慢慢甘收紧口就可以啦！
重點講一下：唔可以太大力！唔可以太大力！唔可以太大力！重要事情要特別提醒，如果你太大力有機會穿咗個窿，到时就好難補救啦！
然後將多余嘅粉團捏落來，再加少少粉團又可以做第二個湯圓啦！
係唔係好靚呢？根本唔需要再去搓個湯圓，由此類推直到做曬D黑芝麻餡料，就可以大功告成啦！
我做嘅皮好薄，有D基本上都可以看到里面嘅餡料。
開始煮湯圓啦！（我只係煮佐一半嘅湯圓，剩底一半放入冷凍，想食嘅時候又可以拿出來煮或者加其它材料一齐煮）首先用4碗水，半片片糖和1小扎姜絲煮滚，滾多兩、三分鐘等D姜絲出味，然後放入湯圓煮到湯圓浮起來，再煮一、兩分鐘放入兩只打散嘅雞蛋，熄火攪拌均勻可以開食啦！
我唔客氣啦！粉皮夠薄，煙煙韌韌又彈牙，餡料豐富，好食，好香，又好味，食到飽仲想繼續食，真係超級好食，比起超市買返來嘅好食好多多！